kakulitan

naglakad ako ng 20min last tuesday. testing sa sarili ko kung kaya ko na maglakad.

kinagabihan, nagising ako dala nang sakit ng tiyan. hindi tinutusok, hindi kinakabag, hindi parang puputok. para siyang hinahataw ng paddle. ganun yung sakit. habang tinitiis ko yung sakit nagsisimula na ring uminit pakiramdam ko. sa sobrang sakit, linagnat ako. nagpatuloy yung lagnat ng 2 araw. nung ika-3 araw, nanghina na ko. pero at least wala na kong lagnat. hehhehe...nanghihina na lang. as in kaya ko lang tumayo para kumain tapos pagod na ko ulit.

sabe ng nanay ko binat daw yun. sabi ng kapatid ko, baka binat nga pero dapat baliw na raw ako ngayon.. di ko alam. nagt-testing lang naman ako kung kaya ko na e. hehe..

********
nung panahong nanghihina ako ay bumisita ang 2yr old pamangkin ko, si kurt.

nakahiga ako sa kama. si kurt nasa pinto. naka-silip. lumapit. bumulong.

kurt: hamunamnamnama teetahhh...
ako: hah?
kurt: amunababawa oooohh..
ako: huh??
kurt: huh!?!? teks!! (sabay hablot ng cellphone ko. takbo palabas ng pinto.)
ako: (anak ng...hablot-cellphone!!) KUUUUURRRTTT!! cellphone ko!!!

pinilit ko umupo. nakita ko siya sa doorway. pumunta sa kaliwa. tumatawa. tumakbo sa kanan. winawagayway yung cellphone. tumakbo ulit sa kaliwa. nagpapahabol ang mokong. sumuko ako. di ko kaya tumayo. higa ulit.
bumalik siya. may hawak na ngayong bola.

ako: cellphone ko?!?!?
kurt: huh?
ako: cellphone.
kurt: ahyumnawanana... (sabay bitiw ng bola. kinuha yung tissue sa tabi ko)
ako: anakng...tissue!!!!

maya-maya..

kurt: (bumalik. yumuko. may pinulot. tumayo. hawak na pares ng tsinelas ko. tumakbo palabas.)
ako: (nagpapahabol talga si mokong)

maya-maya pa..

kurt: (hawak ang bote ng pancake syrup). teetaahh...awuhnaminayun..
ako: ano?!? yung cellphone?!?!
kurt: (nilapat yung bote ng pancake syrup sa noo ko). teetahh...uhmbabupa..
ako: (ano to?!?!? annointing of the sick? pray over?? tama na to!! pinilit ko tumayo.)
kurt: wahahhahahha!! tita!! (tumakbo palabas. suot yung mga tsinelas ko.)

bully. bully tong batang to pag laki.